Джеймс Бонд рөлін сомдаған ирландиялық актер Пирс Броснан атышулы «007 агенті» франшизасының жаңа нұсқасында көрерменге мүлдем таныс емес әртіс ойнауы мүмкін деп болжады. Бұл туралы infohub.kz сайты хабарлайды.
Броснан кастинг туралы пікірін басты рөлге үміткерлер жөніндегі көптеген қауесеттерге байланысты айтты. 73 жастағы актердің айтуынша, продюсерлер көрерменді таңқалдырып, әзірге ешкімге белгісіз орындаушыға тоқталуы әбден мүмкін.
Броснан бұл оқиғада өзі тек көрермен екенін атап өтті: ол процесті қызығушылықпен бақылап, болашақ мұрагеріне сәттілік тіледі.
Журналистермен әңгімеде актер фавориттерді атаудан бас тартып, жұбайының көпшілік алдында болжам жасамау туралы кеңесін желеу етті. Ал әріптесі Том Эллис жеке әңгімеде Броснан оны арнайы агент рөліне тамаша үміткер деп атағанын айтты. Эллистің өзі бұған әзілмен қарап, жасын еске салды.
Студия шпиондық франшизаның келесі фильмін дайындап жатқанда, жоба төңірегіндегі қауесеттер өсе түсуде. Пирс Броснан 1995-2002 жылдары «Алтын көз» және «Өл, бірақ қазір емес» сияқты төрт фильмде құпия агент рөлін ойнады және осы рөлдің ең танымал орындаушыларының бірі болып қала береді.