Қазақстанның таеквондо командасы Оңтүстік Кореяның Чунчхон қаласында өткен халықаралық жастар турнирінде 21 медаль жеңіп алды, деп хабарлайды infohub.kz сайты.
Жарыс қорытындысы бойынша біздің спортшылар 7 алтын, 6 күміс және 8 қола медальды еншіледі.
Алтын жүлдегерлер: Шахризода Акрамова (44 кг-ға дейін), Нурайым Бакытжанкызы (55 кг-ға дейін), Любовь Юн (68 кг-ға дейін), Азим Талгатов (45 кг-ға дейін), Алинур Еркин (59 кг-ға дейін), Наурызбек Нургазиев (68 кг-ға дейін) және Аманай Куралбаев (78 кг-нан жоғары).
Күміс жүлдені Аяру Есенгали (42 кг-ға дейін), Сабина Турутулова (68 кг-нан жоғары), Багдат Амангельдиев (48 кг-ға дейін), Павел Эм (63 кг-ға дейін), Тимур Рахпанов (73 кг-ға дейін) және Жанторе Сагынгали (78 кг-ға дейін) иеленді.
Қола жүлдегерлер: Элеанора Шералы (55 кг-ға дейін), Жанна Палмахова (55 кг-ға дейін), Милана Муханова (59 кг-ға дейін), Аяжан Танжарык (63 кг-ға дейін), Нурила Жарас (68 кг-ға дейін), Аяна Жетес (68 кг-ға дейін), Марсело Лопес Тилеубай Абдиль (63 кг-ға дейін) және Бекбау Махамбетали (78 кг-ға дейін).