Солтүстік Қазақстан облысының тұрғындары үшін балық аулау сапары үлкен қиындыққа ұласа жаздады: олардың көлігі өзен жағасындағы батпаққа батып қалып, құтқарушыларды шақыруға тура келді, деп хабарлайды infohub.kz.
Құтқарушылар "112" пультіне Қызылжар ауданы, Красный Яр ауылы маңында жеңіл көлік батпаққа батып, өздігінен жүре алмай қалғаны туралы хабарлама түскен соң оқиға орнына келді. ТЖМ қызметкерлері жағдайды бағалап, авариялық-құтқару жұмыстарына кірісті.
«Арнайы жабдықты қолдана отырып, көлік қиын өтетін жерден сәтті шығарылды», — деп мәлімдеді ТЖМ. Оқиға салдарынан ешкім зардап шекпеді. Ведомство төтенше жағдай кезінде «112» нөміріне хабарласу қажеттігін еске салды.