Қазақстандық аралас жекпе-жек шебері Артем Резников Алматыда өткен ресейлік ACA лигасының турнирінде өз көрермендері алдында жеңіске жете алмады, деп хабарлайды infohub.kz сайты.
Спортшы ACA 205 шоуының негізгі кардына шықты. Оның қарсыласы – әзірбайжандық Заур Гаджиев. Бастапқыда жекпе-жек жеңіл салмақта өтеді деп жарияланған еді, алайда Резников өлшеу рәсімінен өте алмай, салмақ лимитіне сыймады, сол үшін айыппұл салынды.
Жекпе-жек үш раундқа созылды. Төрешілердің пікірі екіге бөлінді: біреуі Резниковке жеңіс берді, екіншісі Гаджиевке, үшіншісі тең нәтижені белгіледі. Осылайша, қорытынды тең аяқталып, бұл екі спортшының мансабындағы алғашқы тең нәтиже болды.
29 жастағы Гаджиевтің кәсіби аралас жекпе-жектегі еншісінде төрт жеңіс, бір жеңіліс бар. Сонымен қатар, ол поп-ММА-да белсенді өнер көрсетеді. 34 жастағы Резниковте 26 жеңіс, 11 жеңіліс; соңғы бес жекпе-жекте үш рет жеңілген.