Қазақстан Ғылым және жоғары білім министрлігінің Жоғары және жоғары оқу орнынан кейінгі білім комитетінің төрайымы Орталық коммуникациялар қызметінде өткен брифингте талапкерлердің құжаттарындағы шатасуға қатысты не істеу керектігін айтты, деп хабарлайды infohub.kz сайты.
Журналистердің айтуынша, үздік аттестат алған кейбір түлектер «Алтын белгі» иегері ретінде қате көрсетілген, бұл грантқа құжат тапсыру кезінде қиындық тудырады. БАҚ өкілдері құжат қабылдау мерзімі аяқталуға жақын қалғандықтан, бұл мәселенің шешілгенін сұрады.
«Құжат қабылдау кезінде біз аттестат пен басқа да жеке деректерді ақпараттық жүйелерден тартамыз. Осындай бірнеше факті болды (құжаттарда шатасу болған — ред.). Барлығын жедел түрде шешіп жатырмыз. 20 шілдеде грантқа құжат қабылдау аяқталады», — деді комитет төрайымы Гүлжан Джарасова.
Ол мұндай жағдайларда талапкерлерге жоғары оқу орындарының қабылдау комиссияларына жүгінуге кеңес берді. «Осы себептен бірде-бір талапкер грантқа құжат тапсыру мүмкіндігінен айырылмайды. Барлық мәселе уақытылы шешіледі, біз бұл мәселені бақылауда ұстаймыз», — деп сендірді спикер.
Бұған дейін Ғылым және жоғары білім министрлігі 10 мамыр мен 10 шілде аралығында өткен 2026 жылғы негізгі Ұлттық бірыңғай тестілеудің (ҰБТ) қорытындысын шығарды.