Алматыда 25 шілдеден бастап жеңіл рельсті көлік (ЛРТ) желісін салу үшін 165 трамвай тірегін бұзу жұмыстары басталады, деп хабарлайды infohub.kz сайты.
Алматы әкімдігінің мәліметінше, ЛРТ-тің бірінші желісін салу аясында Төле би көшесінің Момышұлы көшесінен Жароков көшесіне дейінгі учаскесінде бұрынғы трамвай желісінің контактілік желісінің ескі тіректері бұзылады. Олардың орнына жаңа сәндік сыртқы жарықтандыру тіректері орнатылады.
Қазіргі тіректерде электр беру желілері, байланыс желілері, интернет-провайдерлер мен басқа да инженерлік желілер орналасқан. Коммуникация иелерінің бір бөлігі әлі күнге дейін оларды көшірмеген, ал кейбір желілердің иелері анықталмаған.
Жол қозғалысын ұйымдастыру орталығы (ЖҚҰО) инженерлік желі иелерін 24 шілдеге дейін өздеріне тиесілі коммуникацияларды бұзуға немесе қайта жабдықтауға шақырады. 25 шілдеден бастап осы учаскеде құрылыс-монтаж жұмыстары басталады. Жұмыстар аяқталғаннан кейін қолданыстағы әуе желілерін жаңа тіректерге орналастыру жобада көзделмеген.