Қытайлық элитті жол талғамайтын көліктің жүргізушісі қорғаныс жүйесі іске қосылып, Қазақстанда қалып қойды. Осыдан кейін Zeekr компаниясы жаңа шараларды қолға алды, деп хабарлайды infohub.kz.
Өткен аптада Қытайда шамамен 73,5 мың АҚШ доллары тұратын Zeekr 9X иесінің басынан өткен оқиға кеңінен талқыланды. Жүргізушінің айтуынша, оның көлігінің навигация, жүк салғыш және жанармай багының электронды қақпағы сияқты кейбір функциялары 30 сағаттан астам уақыт бойы бұғатталған. Бұғаттау жүйесі 16 шілдеде Қазақстанға кірген кезде іске қосылған. Zeekr компаниясы бұл кезде көліктің шетелде болуына байланысты ішкі қорғаныс механизмі белсендірілгенін түсіндірді.
Кейінірек Carnewschina.com журналының мәліметінше, Zeekr компаниясы қосымшада құпия сөз генераторы функциясын енгізді. Бұл функция пайдаланушыларға шекарадан өту салдарынан бұғаттау орын алғаннан кейін өздерінің бұғаттан шығару кодтарын жасауға мүмкіндік береді. Сонымен қатар, алдағы OTA жаңартуы аясында Zeekr қосымшаға бұғаттауды өшіру қосқышын қосуды уәде етеді. Компанияның хабарлауынша, жаңарту іске қосылғаннан кейін трансшекаралық бұғаттау әдепкі бойынша өшіріледі.