Угандада қайғылы оқиға болды: мектеп автобусы қатысқан жол-көлік апатынан 20 бала мен бір ересек адам қаза тапты. Полиция бұл оқиғаға қатысты пікір білдірді, деп хабарлайды infohub.kz.
Уганда полициясының өкілі Майкл Кананура ведомствоның Х әлеуметтік желісіндегі ресми парақшасында автобус оқушыларды Сипи сарқырамасына танымдық экскурсияға апарғанын айтты. Қайтар жолда жүргізуші рульдің басқаруынан айырылған деген болжам бар. Көлік жолдан шығып, жол жиегіндегі үлкен тасқа соғылып, аударылған.
Апат салдарынан 20 оқушы мен бір ересек ер адам қаза тапты. Тағы үш ересек ер адам мен бірнеше жасөспірім түрлі дәрежедегі жарақат алды.
Қаза тапқандардың денелері мәйітханаға жеткізіліп, оларды таныстыру үшін қажетті рәсімдер жүргізіледі. Оқиғаның мән-жайын анықтау үшін тергеу басталды.