Ұлыбританияның сұрауы бойынша Майамиде блогерлер Эндрю және Тристан Тейт ұсталды. Британдық прокуратура бауырларға ондаған жаңа айып тағып, оларды экстрадициялау рәсімін бастады, деп хабарлайды infohub.kz сайты.
Эндрю Тейтке зорлау, сондай-ақ жыныстық қанау үшін адам саудасы және кәмелетке толмағандардың әдепсіз бейнелерін сақтау бойынша жеті жаңа айып тағылды. Тристан Тейт екі зорлау оқиғасы және үш жыныстық қанау мақсатында адам саудасын ұйымдастыру эпизоды бойынша айыпталуда.
Бауырларға қатысты айыптардың жалпы саны ұсталғаннан кейін (19 шілде) бірнеше күн ішінде 21-ден 59-ға дейін өсті.
Прокуратура қосымша дәлелдемелер алынғаннан кейін жаңа айыптар пайда болғанын хабарлады. Британдық биліктің мәліметінше, іс бойынша болжамды жәбірленушілер саны жетіге жетті.
«Жаңа айыптарды тағу туралы шешімдер Бедфордшир полициясынан қосымша дәлелдемелер пакеті алынғаннан кейін қабылданды. Нәтижесінде іс бойынша болжамды құрбандардың жалпы саны жетіге жетті», — деп мәлімдеді Корольдік прокуратураның аса ауыр қылмыстар бөлімінің басшысы Малкольм Макхаффи.
Сондай-ақ АҚШ федералды маршалдар қызметі бауырлардың экстрадиция рәсімі аясында қамауға алынғанын растады. Қазір британдық билік олардың берілуіне қол жеткізуді көздеп отыр.
Тейт бауырлары өз кінәсін мойындамайды. Олардың адвокаты Джозеф Макбрайд жаңа айыптарды «саяси шабуыл» деп санайтынын және сот бауырларды босататынына сенімді екенін мәлімдеді.