16 шілдеден бері Абай облысында өршіген ірі орман өртін оқшаулауға қол жеткізілді. Бұл туралы ТЖМ ресми мәлімдеме жасады, деп хабарлайды infohub.kz сайты.
«Абай облысындағы «Семей орманы» мемлекеттік орман табиғи резерваты Бородулиха филиалының Камышенка орманшылығы аумағындағы өрт оқшауланды», — делінген ТЖМ хабарламасында.
Өртпен күресуге 623 адам, 169 бірлік жерүсті техникасы және жеті тікұшақ жұмылдырылды. Өрт сөндірушілердің жұмысын шілденің аптап ыстығы, өрт қауіпінің жоғары деңгейі және қол жетпейтін жерлер қиындатты. Премьер-министрдің тапсырмасы бойынша оқиға орнына Қазақстан ТЖМ басшысы Шыңғыс Әрінов және экология және табиғи ресурстар министрі Ерлан Нысанбаев келді.
Бұған дейін резерватта ашық жану толығымен жойылғаны хабарланған еді, алайда құтқарушылар шоқталған ошақтармен күресуді жалғастыруда. Орман өртінің жалпы ауданы 370 гектарға жетті. Өрттің ресми себебі әлі анықталған жоқ, алайда алдын ала нұсқа ретінде экология министрі найзағайды атады.
«Семей орманы» Қазақстан тарихындағы ең қорқынышты орман трагедияларының бірінің орнына айналған болатын. 2023 жылғы маусымда мұнда ауқымды өрт болып, салдарынан орман шаруашылығының 15 қызметкері қаза тапты. 2026 жылғы маусымның басында үкіметтегі брифингте журналистер экология және табиғи ресурстар вице-министрі Нүркен Шәрбиевтен трагедиядан кейін осындай өрттердің алдын алу, өртке қарсы техниканы жаңарту және орман шаруашылығы қызметкерлерінің жалақысын көтеру бойынша қандай шаралар қабылданғанын сұрады.