Apple алғашқы бүктелетін iPhone Duo-сын таныстырған соң, Samsung Galaxy Fold 8 жарнамалық ролигін жариялады. Онда басты кейіпкер Тим Кук болды. Корейлік өндіруші бәсекелесін мысқылдап, бүктелетін телефондар саласындағы көпжылдық тәжірибесін еске салғысы келгені анық, деп хабарлайды infohub.kz сайты.
Жарнамада шынымен Тим Кук түскен, алайда бұл — Apple басшылығынан жақында кеткен Тим Кук емес, Жаңа Зеландиялық оның толық атызаты. Ол риэлтор болып жұмыс істейді және Samsung ролигінде «Тим Кукта анонс! Алғаш рет Galaxy туралы!» деген ұранмен шығады. Видеода ер адам компанияның бүктелетін смартфондары туралы айтып, Samsung-тың осы саладағы көпжылдық тәжірибесіне тоқталады.
Жарнама Samsung мен Apple арасындағы айырмашылықты айқын көрсетеді. Алғашқы Galaxy Fold 2019 жылы шыққан, ал Apple тек 2026 жылдың қыркүйегінде ғана өзінің алғашқы бүктелетін смартфоны iPhone Duo-ны таныстырды.
Сонымен қатар, нағыз Тим Кук 1 қыркүйектен бастап Apple бас директоры қызметін атқармайды.
Бұған дейін Kursiv LifeStyle Apple-дың үлкен күзгі таныстырылымында алғашқы бүктелетін iPhone Duo, жаңа iPhone 18 Pro және 18 Pro Max, Apple Watch Series 12 және Ultra 4, сондай-ақ AirPods 5 көрсетілгенін жазған. Енді жаңалықтар қазақстандықтарға шамамен қаншаға түсетінін болжауға болады.