Қазақстан құрамасының футболшысы Максим Самородов Ресей премьер-лигасының (РПЛ) ағымдағы маусымындағы алғашқы нәтижелі әрекетін жасады, деп хабарлайды infohub.kz сайты.
Грозныйдың «Ахматы» сегізінші турда өз алаңында Махачкаланың «Динамосын» жеңді. Кездесу «Ахмат Аренада» өтіп, 3:2 есебімен алаң иелерінің пайдасына аяқталды.
Жеңімпаздар сапында африкалық жартылай қорғаушылар — малилік Калиду Сидибе (58-ші минут) мен анголалық Мануэл Келиану (85-ші) гол соқты. «Ахматтың» пайдасына колумбиялық қорғаушы Андрес Аларкон автоголмен ерекшеленді (66-шы).
Қонақтар сапында ресейлік футболшылар — шабуылшы Гамид Агаларов (48-ші) мен қорғаушы Темиркан Сундуков (64-ші) көзге түсті, ол ойын соңында қызыл қағаз алды (90+5).
РПЛ маусымындағы алғашқы нәтижелі әрекетін Максим Самородов жасады. Өз командасының бірінші голына ол бұрыштан допты асырып берді, оны Сидибе тоғыстырды. Негізгі құрамда шыққан Самородовты 85-ші минутта Қазақстан құрамасының тағы бір шабуылшысы Ғалымжан Кенжебек алмастырды.
Жеңіс «Ахматқа» он ұпай жинауға мүмкіндік берді. Қазақстан құрамасының бұрынғы бас бапкері Станислав Черчесов жаттықтыратын грозныйлықтар тоғызыншы орынға көтерілді. Махачкаланың «Динамосы» 12 ұпаймен алтыншы орында тұр.