Қазақстандағы мейрамхана мен кафеге келушілер көңіл күйді бұзатын ұсақ-түйектерге жиі шағымданып жүр. Әңгіме міндетті түрде лас немесе нашар қызмет туралы емес. Бұл туралы infohub.kz сайты хабарлайды.
Threads әлеуметтік желісінде қолданушылар мейрамханалар мен кафелерде оларды не қатты тітіркендіретінін талқылады. Пост шамамен 200 мың қаралым жинады, ал пікірлерде меймандар өз байқағандарымен бөлісті.
Ең көп талқыланған шағымдардың бірі — QR-код арқылы мәзір. Қолданушылар кейде оны жүктеу бірнеше минут алатынын, әсіресе интернет нашар тартса, шағымданды. Басқалары мәзір ашылған соң даяшының бірден тапсырыс қабылдауға келуіне наразы. Бір қолданушының айтуынша, бұл «патологиялық кінә сезімін» тудырады.
Сусындарға да шағым бар. Қолданушылар шәйнектер кейде кеседен де кіші болатынын, коктейльдерде мұз тым көп екенін байқады. Бұл байқауымен блогер Әлишер Елікбаев бөлісті. Сироп пен минералды судан жасалған лимонадтар да назардан тыс қалмады.
Дәмхана сүйер қауым су мәселесін бөлек талқылады. Біреулер мейрамханаларда су тегін әкелінуі керек десе, енді біреулер су үшін де ақы төлеу керек дейді. Алайда кейбір орындарда ауыз су — адамның негізгі құқығы, одан бас тартуға болмайды деген қағида ұстанады.
Тағы бір кең тараған шағым — дәретханалар, бірақ сөз тазалық туралы емес. Адамдарды пайдалану қиын шүмектер жиі қиын жағдайға қалдырады. Меймандардың айтуынша, мұндай дәретханалар кейде «зияткерлік тексеруге» ұқсайды.
Әлеуметтік желілерде сәнді раковиналар әлдеқашан жеке мемге айналған. Бір қызығы, мейрамхана неғұрлым қымбат болса, соғұрлым мұндай квестке тап болу ықтималдығы жоғары.
Пікірлерде тағам бағасы да еске алынды. Кейбіреулерге құны 100 грамм үшін көрсетілуі ұнамайды, өйткені соңғы бағаны болжау мүмкін емес. Сондай-ақ әйгілі 10% қызмет көрсету ақысы да аталды.
Бұған дейін Kursiv LifeStyle Қазақстанның қандай мейрамханалары мен барларын Tatler сарапшылары үздік деп танығанын жазған болатын.