Мәскеу маңындағы Электросталь қаласында орналасқан Wildberries маркетплейсінің логистикалық нысанында ұшқышсыз ұшақ шабуылы салдарынан шыққан өрт толығымен сөндірілді. Бұл туралы Wildberries & Russ компаниясының баспасөз қызметі өзінің Telegram-арнасында хабарлады, деп хабарлайды infohub.kz сайты.
Баспасөз релизінде Wildberries командасы болған оқиғаның салдарын кешенді бағалауға және зардап шеккен нысанның инфрақұрылымының жай-күйін талдауға кірісетіні айтылған.
Компанияда жанған логистикалық кешеннің қызметкерлері мен олардың туыстарына арналған жедел желі тәулік бойы жұмыс істей беретінін атап өтті. Сондай-ақ олар өртті сөндіруге қатысқан барлық қызметтерге шынайы алғысын білдірді.
Мәскеу облысындағы Wildberries нысанындағы өрт 18 шілдеге қараған түні Украина Қарулы Күштерінің ұшқышсыз ұшақтарының шабуылы салдарынан болды. Ресей ТЖМ дерегінше, өрт аумағы 25 мың шаршы метрді құрады. Электростальда зардап шеккендер бар, бір адам қаза тапты. Өртті сөндіруге бірнеше ондаған техника мен 100-ден астам құтқарушы жұмылдырылды.