Көптеген көрермен әйгілі әншінің концертіне келгенде, оның назарын аударып, сөйлесуді армандайды. Kursiv LifeStyle редакциясы Энрике Иглесиастың Қазақстандағы концертінде назарға ілігудің төрт тәсілін анықтады... деп хабарлайды infohub.kz.
Еске салайық, әншінің концерті 3 қыркүйекте Астанада, 5 қыркүйекте Алматыда өтеді. Біріншіден, шараны ұйымдастырушылардың айтуынша, әнші шығармашылықпен безендірілген плакаттарға назар аударады. Лондонда оның әнінің атауы жазылған плакат ұстаған қызды сахнаға шақырып, сол әнді арнайы орындап берді.
Екіншіден, Иглесиас сахнаға жақын тұрған көрермендерге жиі жақындап, олармен құшақтасып, микрофонға бірнеше жолды бірге айтуды ұсынады.
Үшіншіден, жанкүйерлердің бірімен Hero әнін орындау бөлек дәстүрге айналған. Энрике онымен билеп, суретке түседі, кейде бірнеше жолды айтуға мүмкіндік береді.
Төртіншіден, жұлдыз ерекше костюмдерді назардан тыс қалдырмайды. Ең бастысы, олар алыстан көрінетіндей болуы керек. Мысалы, ұйымдастырушылар бірдей футболка киіп, киімге қазақтың ұлттық элементтерін немесе тақырыптық аксессуарларды қосуды ұсынады.
Бұған дейін «Курсив» әншінің жанкүйер қыздармен сүйісу дәстүріне байланысты оны Қазақстанға алғашында жібергісі келмегенін жазған болатын.