Қазақстан қор биржасында (KASE) доллар курсы апта соңында 2 теңгеден астамға төмендеп, 469,83 теңгеге дейін түсті. Еуро да сондай мөлшерде арзандады, деп хабарлайды infohub.kz сайты.
Апта басында биржалық американ валютасының курсы 477,11 теңгеге дейін өсті, бірақ келесі күні 468,88 теңгеге дейін төмендеді. Кеше 3 теңгеге өсім байқалды — 472,34 теңгеге дейін. Бүгінгі сауда-саттық тағы да құлдырау әкелді.
Бүгінгі сауда қорытындысы бойынша KASE-де доллардың орташа өлшемді курсы 469,83 теңгені құрады. Елорданың айырбас пункттерінде сағат 15:30-да долларды 467 теңгеден сатып алып, 474 теңгеден сатты. Алматыда сатып алу 466-дан 471 теңгеге дейін, сату 471,4-тен 473 теңгеге дейін өзгерді. Шымкентте долларды 469,5-тен 470,5 теңгеге дейін сатып алып, 471,5-тен 472,5 теңгеге дейін сатты.
Еуро бір тәулік ішінде 2 теңгеден астамға арзандады: оның KASE-дегі орташа өлшемді курсы 537,76 теңгені құрады. Астананың айырбас пункттерінде еуроны 534 теңгеден сатып алып, 544 теңгеден сатты; Алматыда сатып алу 530-дан 540 теңгеге дейін, сату 540,5-тен 546,5 теңгеге дейін; Шымкентте сатып алу 535-тен 539 теңгеге дейін, сату 540-тан 545 теңгеге дейін болды.