Астананың жеңіл рельсті көлігі (LRT) бірінші толық айда 2,1 млн жолаушы тасымалдап, Алматы метросының көрсеткішінен аз ғана қалып қойды, деп хабарлайды infohub.kz.
Маусым айы астаналық жеңіл рельсті көліктің алғашқы толық жұмыс айы болды. Осы айда LRT қызметіне 2,1 млн жолаушы жүгінді. Мұндай деректерді Ұлттық статистика бюросы келтіреді. Жолаушы саны бойынша Астана LRT-сі Алматы метросынан сәл ғана кем түсті: сол кезеңде Алматы метросы 2,4 млн адамға қызмет көрсеткен.
«Алайда LRT-нің жолаушы айналымы жоғары болды. Маусымда ол 46,5 млн жолаушы-километрді құрады, ал Алматы метросында 34,9 млн болды», — дейді аналитиктер. Мұндай айырмашылықты желілер ұзындығымен түсіндіреді: LRT бағытының ұзындығы 22,4 км, ал Алматы метросының желісі 13,4 км. Жолаушы айналымы тек жолсанын ғана емес, жолаушылардың жүріп өткен қашықтығын да ескереді.
LRT-нің әуежайдан жаңа теміржол вокзалына дейінгі учаскесі 16 мамырда іске қосылды. Ашылған сәттен маусым аяғына дейін бұл көлік түрімен 3,2 млн жолаушы пайдаланды. Бір жарым айда жолаушы тасымалынан түскен кіріс 503,1 млн теңге болды.