Астанада жергілікті тұрғынға қатысты сот үкім шығарды. Ол бірнеше ай ішінде 80-нен астам рет жол қозғалысы ережелерін бұзған. Мамандандырылған ауданаралық әкімшілік сот оған 15 тәулік қамау жазасын тағайындады, деп хабарлайды infohub.kz.
Сот анықтағандай, азамат Ж. 2026 жылғы наурыз-маусым аралығында 80-нен астам рет әкімшілік жауапкершілікке тартылған. Оның ішінде жылдамдықты асыру да бар. Екі жағдайда оның жылдамдығы 151 км/сағ және 126 км/сағ болған. Бұл басқа жол қозғалысына қатысушылардың қауіпсіздігіне қауіп төндірген.
Сот отырысында ер адам кінәсін толық мойындап, өкініш білдірді. Ол бірнеше рет жылдамдықты асырғанын растап, барлық айыппұлды төлегенін айтты. Сондай-ақ көп жағдайда өзі көлік жүргізгенін түсіндірді. Сотта: «Кінәлінің кінәсі оның мойындауы, әкімшілік құқық бұзушылық хаттамасы, «Сергек» сертификатталған бұзушылықтарды тіркеу жүйесінің деректері (бейнежазбалар мен фотосуреттер), арнайы есепке алу мәліметтері, сондай-ақ Бас прокуратураның Құқықтық статистика және арнайы есепке алу комитеті департаментінің хатымен расталды», — деп қосты.
Сот оны ҚР ӘҚБтК-нің 434-бабының 1-бөлігі бойынша кінәлі деп тауып, 15 тәулікке әкімшілік қамауға алды. Жаза тағайындау кезінде әрекеттердің қасақана сипаты, жол қозғалысына қатысушылардың өмірі мен денсаулығына жоғары қауіп, сондай-ақ 2026 жылдың басынан бері жүргізушінің 80-нен астам рет жылдамдықты асырғаны ескерілді. Сот қаулысы әлі заңды күшіне енген жоқ.