18 шілдеде Қазақстанның алты қаласында қолайсыз метеорологиялық жағдайлар (ҚМЖ) күтіледі. Бұл жағдай атмосфераның жерге жақын қабатында ластаушы заттардың жиналуына әкеледі, деп хабарлайды infohub.kz сайты.
«Қазгидромет» РМК деректеріне сәйкес, күндіз Алматыда ҚМЖ болжанады. Түнгі уақытта қолайсыз метеожағдай Астана, Петропавл, Қарағанды, Жезқазған және Теміртау қалаларын қамтиды.
Қолайсыз метеожағдайлар – ауадағы зиянды қоспалардың таралуы нашарлайтын ауа райы факторларының жиынтығы. Мұндай кезеңдерде тұрғындарға, әсіресе тыныс алу органдары аурулары бар адамдарға, ашық ауада болу уақытын қысқартуға және уәкілетті қызметтердің ресми хабарламаларын қадағалауға кеңес беріледі.