Ақтөбеде жүргізушілерді алдаудың ерекше схемасы әшкереленді: ер адам жол-көлік оқиғасын сахналап, зардап шеккен жаяу жүргіншінің кейпіне еніп, ақша тартып алған, деп хабарлайды infohub.kz сайты.
Ақтөбе облысы полиция департаментінің мәліметінше, оқиғалар Жиенбаев пен Ташкент көшелерінің қиылысында болған. Ер адам өзін көлік қағып кеткендей көрініс жасаған.
«Содан кейін ол жүргізушілерге жүгініп, көлік қағып кетуінен дене жарақатын алғанын айтып, ақша талап еткен. Анықталғандай, ер адам бұл схеманы екі рет іске асырған. Бір жағдайда жүргізуші оның әңгімесіне сеніп, мобильді қосымша арқылы 250 мың теңге аударған, екіншісінде — 200 мың теңге. Жалпы шығын 450 мың теңгені құрады», — деді Ақтөбе облысы полиция департаментінде.
Жүргізушілердің бірі болған жағдайды ойланып, полицияға жүгінуге шешім қабылдады. Тексеру барысында ақпарат расталды. Ер адам күдікті деп танылды.
Іс бойынша болған оқиғаның барлық мән-жайын анықтауға бағытталған қажетті тергеу әрекеттері жүргізілуде.