Xbox Game Pass, PlayStation Plus немесе Nintendo Switch Online жазылымдарынан бас тартқан американдық геймерлердің 40%-дан астамы шешімдерінің басты себебі ретінде қаржылық факторды атады. Бұл туралы Circana талдау компаниясының деректері көрсетеді, деп жазады ChannelNews, хабарлайды infohub.kz сайты.
Пайдаланушылар жеке бюджеттерінің қысқаруына байланысты ақылы қызметтерден бас тартуға мәжбүр болып отыр, алайда сервистердің сапасы мен ұсынылатын ойындар каталогына жалпы алғанда риза.
Ең ауыр қысымды Nintendo Switch Online жазылымшылары сезініп отыр. Бұл сервистен бас тартқандардың 50%-ы қаражаттың жетіспеуін көрсетті, ал жыл басында бұл көрсеткіш 40% еді. PlayStation және Xbox консольдері бойынша жазылымдардың үнемі қымбаттауына наразы геймерлердің үлесі 40%-ға өсті.
Circana компаниясының талдаушысы Мэтт Пискателла бұл деректер жазылымнан бас тартушылар санының жалпы күрт өсуін білдірмейтінін атап өтті. Олар қызметтерден бас тартуға шешім қабылдаған адамдардың негізгі себептерін ғана көрсетеді. Видеоойын өндірушілері кірісті ұлғайту мен ойыншылар үшін сервистердің қолжетімділігі арасындағы тепе-теңдікті іздеуге мәжбүр.